Canesten Раствор 1% 20мл

ШТО ПРЕТСТАВУВА РАСТВОРОТ КАНЕСТЕН® И ЗА ШТО СЕ УПОТРЕБУВА Клотримазол е дериват на имидазол со антигабично дејство. Клотримазол дејствува врз габите на тој начин што го инхибира создавањето ергостерол, што доведува до структурни и функционални оштетувања на цитоплазматската мембрана. Канестен® раствор се употребува за лекување дерматомикози (габични инфекции на кожата) предизвикани од дерматофити, квасни габи, мувла и други габи (габични инфекции на стапалата и кожата меѓу прстите на нозете, габични инфекции на рацете, габични инфекции на кожата на телото и на кожните ингвинални набори, питиријазис верзиколор) и еритразма. Што е габична инфекција на стапалата? Тоа е габична инфекција на кожата предизвикана од габи кои виреат во топли и влажни средини, како соблекувални, тушеви и јавни базени. Одењето боси на овие места ве изложува на поголем ризик. Габичната инфекција на стапалата обично се појавува меѓу прстите на нозете, но може да ги зафати и табаните и страните на стапалата. Корисно да се знае! Не мора да сте спортист за да се заразите и не е предизвикана од лоша хигиена.Габичните инфекции на кожата може да бидат непријатни, но во повеќето случаи нема за што да се грижите – лесно се лекуваат. Вообичаени симптоми на габични инфекции на кожата: Црвен осип или плускавци Чешање, пецкање или боцкање Излупена, напукана или лушпеста кожа Испукана, омекната или побелена кожа Непријатен мирис